Poem on parrot in Punjabi
ਸਾਡੇ ਘਰ ਇਕ ਤੋਤਾ ਆਇਆ,
ਰੱਬ ਨੇ ਕਿੰਨਾ ਸੋਹਣਾ ਬਣਾਇਆ।
ਲਾਲ ਚੁੰਝ ਤੇ ਗਲ ਵਿਚ ਗਾਨੀ,
ਹਰਾ ਰੰਗ ਹੈ ਉਸ ਦੀ ਨਿਸ਼ਾਨੀ ।
ਪਿੰਜਰੇ ਦੇ ਵਿਚ ਤੋਤਾ ਰਹਿੰਦਾ
ਟਿਕ ਕੇ ਉਹ ਕਦੇ ਨਾ ਬਹਿੰਦਾ।
ਬੰਦਿਆਂ ਵਾਂਗ ਹੈ ਤੋਤਾ ਬੋਲੇ
ਸਾਰਿਆਂ ਦੇ ਹੈ ਭੇਦ ਉਹ ਖੋਲ੍ਹੇ।
ਸਾਰਾ ਦਿਨ ਹੈ ਸ਼ੋਰ ਮਚਾਉਂਦਾ
ਸਭ ਦਾ ਨਾਮ ਲੈ ਕੇ ਬੁਲਾਉਂਦਾ।
ਟਿਕ ਟਿਕ ਕਰਕੇ ਮਿਰਚਾਂ ਖਾਵੇ
ਭੁੱਖ ਲੱਗੇ ਤਾਂ ਰੌਲਾ ਪਾਵੇ।
ਪੰਛੀਆਂ ਵਿਚੋਂ ਪੰਛੀ ਨਿਆਰਾ
ਸਾਡੇ ਵਾਂਗ ਹੈ ਬੋਲੇ ਸਾਰਾ।
'ਪਰਵਿੰਦਰ ਸੁੱਖ' ਕਰੇ ਅਰਜ਼ੋਈ
ਪੰਛੀਆਂ ਨੂੰ ਨਾ ਮਾਰੋ ਕੋਈ।
Comments
Post a Comment